4. Ֆեյսբուք

003. ՈՒՍԱՆՈՂԻ ՀԱՐՎԱՐԴՅԱՆ ՄՈՏԻՎԱՑԻԱՆ

1. Եթե հիմա քնես, երազում հաստատ երազանքդ կտեսնես, իսկ եթե հիմա սկսես սովորել, երազանքդ իրականություն կդարձնես։

2. Երբ մտածում ես՝ արդեն շատ ուշ է, իրականում դեռ շուտ է։

3. Ուսման «տառապանքը» միայն ժամանակավոր է, չիմանալու «տառապանքը»՝ տգիտությունը, հավերժ։

4. Ուսումը ժամանակ չէ, այլ ջանքեր։

5. Կյանքը միայն ուսում չէ, բայց եթե չես կարողանում անցնել կյանքի այդ հատվածը, ինչպե՞ս կարող ես իմանալ՝ ինչի ես ընդունակ։

6. Վայելի՛ր անընդհատ աճելու հնարավորությունը։

7. Սովորի՛ր ամեն ինչ շուտ անել, սովորի՛ր ջանք թափել, սովորի՛ր քաղել արդյունքները։

8. Ոչ բոլորը կարող են ամեն ինչում հաջողակ լինել։ Հաջողությունը գալիս է միայն ինքնազարգացման և վճռականության հետ։

9. Ժամանակը երբեք կանգ չի առնում, բայց երբ ոչինչ չես անում, սլանում է մեծ արագությամբ։

10. Ամեն ինչում առաջնորդներ կան։ Յուրաքանչյուրն արժանի է առաջնորդ լինելու իր ոլորտում։

11. Մարդիկ, ովքեր ինչ-որ ներդրում են անում ապագայում, իրատես են։

12. Քո հաջողությունը ուղիղ համեմատական է ընկալման ու տեղեկատվության մշակման քո արագությանը։

13. Այսօրը երբեք չի կրկնվի։

14. Նունիսկ այժմ քո մրցակիցները խելացի գրքեր են թերթում։

15. Չկան ջանքեր, չկա արդյունք։


Նյութը տրամադրեց Ազնիվ Սարգսյանը

002. ՀԻՍՈՒՍ, ԴՈՒ ԻՄ ԿՅԱՆՔՆ ԵՍ

«Տեր, ո՞ւմ մոտ գնանք, հավիտենական կյանքի խոսքեր ունես Դու» (Հովհաննես 6.69):

Այս խոսքերը պարզապես աստվածաբանական հայտարարություններ չէին: Նրանցում թաքնված էր հաղթական և երջանիկ քրիստոնեական կյանքի գաղտնիքը. «Դու միակն ես, որ ունես հավիտենական կյանքի խոսքեր»: Քրիստոսը ինքն ասաց. «Ես եմ ճանապարհը և ճշմարտությունը»: «Ես եմ հարությունը և կյանքը: Ինձ հավատացողը, թեև մեռնի էլ, կապրի»:

Կյանքը, բարեկամս, ժամանակի ինչ որ հատված չէ, և ոչ էլ մարմնի վիճակ: Կյանքը Անձնավորություն է, Հիսուսն է: Նրանում մենք կենդանի ենք: Եթե մենք մշտական կապ ենք պահում Նրա հետ, ապա մենք կենդանի ենք: Այն պահին, երբ մենք ինչ որ պատճառով դադարեցնում ենք Նրա հետ հաղորդակցությունը, մենք կորցում ենք կյանքը, քանի որ Քրիստոսն է կյանքը: Մենք կարող ենք շարունակել շարժվել, աշխատել, վազել, բայց մենք մեռած ենք: Քրիստոսից հեռու գտնվող այսպես կոչված կյանքը ավելին չէ, քան քաոսը, դատարկությունը, գոյության իմաստի անդադար փնտրտուքը:

Այդ պատճառով, որպեսզի կյանք ունենանք, պետք չէ սկզբում ինչ որ բան անել: Կարիք չկա ինքներս մեզ տանջանքների ենթարկենք, կամ ուխտավոր դառնանք: Կարիք չկա հուսահատ փնտրել հավեժական երիտասարդության աղբյուրը: Այն ամենը, ինչ անհրաժեշտ է, դա Աստծուն հավատալը և նրանում կենալն է: Մեզ կարող է կործանել հիվանդությունը, մենք կարող ենք դադարել շնչելուց: Բայց, եթե մենք մահվան ժամին մեր աչքերը փակենք Հիսուս Քրիստոսին հավատալով, ապա կարթնանանք փառավոր հարության առավոտյան, երբ կյանքի Տերը նորից կգա:

Սա պետք է հստակ դրոշմվի մեր գիտակցության մեջ: Հավիտենական կյանքը չի նվաճվում մարդկային ջանքերով: Դա սիրո նվեր է: «Ով որ Որդուն ունի, նա կյանք ունի, և ով որ Աստծո Որդուն չունի, նա կյանք չունի» (Ա Հովհաննես 5.12):

Նրանում մենք ապրում ենք: Առանց Նրա մենք մեռած ենք: Կյանքը կախված է կյանքի աղբյուրի՝ Հիսուս Քրիստոսի հետ մեր միությունից և հաղորդակցությունից: Այդ պատճառով ողջ համոզվածությամբ դու և ես կարող ենք ասել. «Հիսուս, Դու իմ կյանքն ես»:

Հերմինե Բեժանյան

001. ԻՆՉՊԵ՞Ս ԽՈՒՍԱՓԵԼ ՎԱՂԱԺԱՄ ԾԵՐԱՑՈՒՄԻՑ

Երիտասարդացնող հրաշք հեղուկը տարբեր ժամանակներում բազում մարդկանց անիմաստ որոնումների է մատնել: Ոչ ոք չի ցանկանում ծերանալ, այդ իսկ պատճառով շատերը շարունակում են փնտրել հրաշագործ միջոցներ, որոնք կօգնեն հնարավորինսերիտասարդ մնալ:

Ծերացումը հաջորդական գործընթաց է, որը սկսում է բեղմնավորումից և ավարտվում մահվամբ: Իրականում ծերությունը որոշվում է ոչ միայն կենսաբանական տարիքով, այլև հիվանդության կամ հաշմանդամության ձեռքբերմամբ: Որոշ մարդիկ ծերանում են նույնիսկ երիտասարդ տարիքում:

Սակայն կան նաև մարդիկ, ովքեր երիտասարդ և առույգ են մնում նույնիսկ զառամյալ տարիքում:

Բազմաթիվ հանճարեղ գլուխգործոցներ կայացել են հենց մեծ տարիքում: Օրինակ, Միքելանջելոն 65 տարեկան էր, երբ նկարել է «Սիքստինյան կապելլան»: Վերդին 75 տարեկան էր, երբ գրել է իր հայտնի օպերաներից մեկը` «Օթելլոն»:

Այնպիսի սովորույթներ, ինչպիսիք են ծխելը, ալկոհոլի, կոֆեինի և թմրանյութերի օգտագործումը կարող են հանգեցնել վաղաժամ ծերության:

Սնունդը, որը բաղկացած է ռաֆինացված կերակրատեսակներից, դրան ավելացրած նաև ֆիզիկական վարժությունների պակասը նույնպես արագացնում են ծերության ընթացքը:

Գիտնականներն ուսումնասիրություններ են կատարել երկրագնդի որոշ բնակչության շրջանում, ովքեր ավելի առողջ են և միջինում ավելի երկար են ապրում: Նրանց թվում են հայտնվել Յոթերորդ օրվա ադվենտիստները, ովքեր համարվում են երկրագնդի ամենաառողջ և երկարակյաց մարդիկ: Կատարված ավելի քան 250 հետազոտությունների արդյունքները ցույց են տվել տարբեր ռասաների և մշակույթին պատկանող ադվենտիստների առողջական մեծ առավելությունները:

Ադվենտիստներն ամենաքիչն են տառապում քաղցկեղով և սրտանոթային համակարգի հիվանդություններով, ավելորդ քաշով, օստեոպորոզով և բազմաթիվ այլ հիվանդություններով: Եվ եթե նույնիսկ հիվանդանում են, ապա մոտ 10 տարի ավելի ուշ, քանի երկրագնդի այլ բնակիչներ: ԱՄՆ-ում, Նիդերլանդներում, Նորվեգիայում և Լեհաստանում կատարված հետազոտությունները ցույց են տվել, որ ադվենտիստ կանանց միջին տարիքը 2-5 տարով ավելի է` համեմատած այդ երկրների մյուս կին բնակիչների հետ:

Ինչ վերաբերում է տղամարդ-ադվենտիստներին, ապա նրանց կյանքի տևողությունը 4-10 տարով ավելի երկար է:

Իսկ այժմ հարց. ինչպե՞ս են նրանք այդպիսի արդյունքների հասնում: Արդյո՞ք դա պատահականություն է, թե՞ օրինաչափություն: Այս և առողջ կենսակերպին վերաբերող այլ հարցերի պատասխաններ կգտնեք հետևելով մեր էջում տեղակայված նորություններին:

Սամվել Սարգսյան,
Բժիշկ

Մուտք

Այս բլոգը ստեղծվել է, որպեսզի ապահովի կապը Ֆեյսբուքի էջի հետ։ Ամեն օր Ֆեյսբուքում տեղադրված հոդված-գրառումներից կտեղադրվեն նաև այստեղ։